危機一髮×襪子×拯救行動

今日應該比心機起屋企溫書, 溫得悶, 望出窗, 睇風景, 其實都冇咩好睇. 起我唔知睇咩既時候, 突然發現我有隻襪呆坐左起...如圖...

佢有一半身體已經飛左出去, 非常驚險. 我仲住起三十六數架, 跌左落去真係命都冇, 點解佢要做傻事, 如果佢真係跳左落去, 佢另一半留起世上都冇咩意思喇, 咁我會將另外隻襪掉埋佢, U jump, I Jump. 不過, 我梗係盡力拯救佢啦, 於是, 我就搵返我把起中一時候買既T尺, T尺係把很巨的尺, 呈T狀, 繪圖用. 跟住, 我就痴d大膠紙起橫果便, 打開窗花, 伸把T尺出去, 又係非常驚險, 萬一手軟, 把T尺從三十六樓飛插下去, 就大檸樂啦. 到了最後, 憑著我既勇氣同闘志, 成功黏返隻襪, 再次拯救了這世界. 完.