桌球大戰

以蒲精Eric為首的我們(EER, IPod Suffer, 女皇)今日去篤波.
由於我非常水皮, 亂咁篤,
對我來說, 能夠入波已經非常開心,
不過入到波都未必有用, 一個紅波先得一分,
但打唔中一個黑波已經幫人加唔知幾多分, 哈哈.
以Eric的高超技術加上我不斷煲大, 他的分數高達118,
分牌最多120, 差點爆標, 我也不想呢...
令Eric&Wai無法盡顯身手, 非常可惜, 嗚呼哀哉...
另一邊廂, IPod Suffer們則進行星球大戰,
戰況激烈, 五人混作一團, 同樣嗚呼哀哉...



跟住去機舖打機, 其實我麻麻地鍾意.
我比較喜歡三五知己起屋企慢慢享受遊戲.
自小就覺得機舖係壞人聚集既地方,
加上又嘈又剩, 覺得好煩, 唔知有咩好玩.
結果係咁比人催快d玩晒d金幣佢...=(



原本諗住食buffet, 其實我麻麻地想食.
這會破壞我這星期鍛鍊的成果, 我亦食唔到幾多.
但係一大班人食buffet又確實幾開心, 而且又冇幾可,
於是我又懷著期待既心情, 諗住豁出去食餐勁.
結果唔知點解又冇得食喎, 變左食"自選至潮套餐".
個名都幾核突, 想送d潮爆jpg比老細...哈哈...
晚餐時間臨時變了中文溫習堂, 範圍由小學至會考程度,
眾人還一起念詩來, 大學生在餐廳集體念詩, 說出來也太嚇人.
雖然食唔成buffet, 但個餐都幾豐富,
加上女孩子們又扮細食的關係, 我無奈地又食到超飽...灰ed...

吃飽飽接著要散步, 去了玩具反斗城.
人家十點關門, 我們卻九點五十五分衝了入去.
還做出各種與年齡不符的事情, 拍波, 玩玩具, 帶姣帽...
當我和Eric要玩那些[3+]的玩具時, 竟被祖迪阻止~!
為甚麼? 我們的年齡跟智商免強也過三歲吧...
祖迪說...那些[3+]的玩具要GPA過3先玩得...
嘩...好慘呢...咁我地冇得玩啦...偉傑玩晒佢啦...
今天大家做了很多LowB事呢...哈哈...