追月之夜

今晚係追月之夜, Irene, Baby, Cherie, Bosco 同我, 早起"好耐之前", 就約左今日食月餅, 一個贈品月餅, 哈哈. 夜晚, 食完飯, 間餐廳都算好味, 不過因為太耐先寫返個post, 已經唔記得間野叫咩名...之後, 一行人, 就去左荃灣西站附近的海邊, 搵地方煲蠟. 初時只係諗住煲下蠟, 玩下燈籠, 點知, 有個燈籠好快就比我燒焦左, 而煲蠟亦好快滿足唔到我地. 我同baby開始幫草草滴蠟, 周圍點起火頭, Cherie煲菊花茶, 又同irene玩螢光捧皮鞭....到差唔多時間, 就開始食月餅, 不過唔知點解冇左贈品月餅回事, Baby帶左個五仁月餅, Bosco有兩個金鎊月餅. 但由於大家都唔想食既關係, 決定把月餅分成不同份量, 並以猜拳方式分出次序選擇月餅, 非常刺激. 然後, 大家在一個大型燈箱廣告"減肥快四倍"之下, 吃著"增肥快四倍"的月餅. 另外, 那個五仁月餅的口感奇特, 像糯米卷, 除了形狀外, 實在說不出它那忽是月餅...